Visa карталарининг эгалари Самарқанд шаҳридаги жамоат транспортида йўлкира тўловларини TezCard тизими орқали амалга оширишлари мумкин. Бу ҳақда компания матбуот хизмати хабар қилди.
Хабарда ёзилишича, бунинг учун улар ўз Visa карталарини ТеzCard терминали — валидаторига теккизишлари кифоя қилади.
«Ушбу инновацион ечимга Visa глобал тўлов технологик компанияси ва Orient Finans Bank билан яқин ҳамкорликда эришилган бўлиб, Ўзбекистон тарихида бутун бир шаҳарнинг жамоат транспорти каби кенг кўламли ва истиқболли йўналишни қамраб олувчи илк лойиҳа бўлмоқда», — дейилади хабарда.
Маълум қилинишича, бугунги кунда Самарқанд шаҳридаги ТеzCard тизимига жами 500 га яқин автобус ва трамвай уланган. ТеzCard карталарини эса шаҳарнинг турли жойларидаги 15 савдо нуқталарида сотиб олиш имкони жорий қилинган.
Изоҳ (0)