Қашқадарё вилоятида 2019 йилнинг ўтган 4 ойи мобайнида 210 та ёнғин келиб чиққан бўлса, оқибатда 15 нафар фуқаронинг тан жароҳати олиши ва 1 нафар фуқаронинг ўлим ҳолати билан якунланган. Бу ҳақда «Дарё»га вилоят ФВБ, Ёнғин хавфсизлиги бошқармаси матбуот хизмати хабар бермоқда.
Маълум бўлишича, содир бўлган ёнғинларнинг 12 таси кўча-кўйдаги, йўл ёқасидаги хас-хашакларнинг ёниши оқибатида келиб чиққан.
Жумладан, 26 январь куни кечки пайт чамаси 21:10 ларда Қарши шаҳар, «Ғофур Ғуломов» маҳалласи Ғузор кўчаси йўл четида қуриган хас-хашаклардан иборат 15 м.кв майдон ёнган. Ёнғиннинг келиб чиқиш сабаблари ўрганилганда, номаълум шахс томонидан чўғи ўчмаган тамаки маҳсулоти қолдиғини ташлаб кетиши натижасида содир бўлгани аниқланган. Худди шундай ҳолатлар 16 март куни Косон тумани ҳудудида, 17 март куни эса Нишон туманида йўл ёқасида ҳам содир бўлган.
Қолган 9 ҳолатдаги ёнғин эса фуқароларнинг ўчмай қолган чўғни чиқинди уюмлари устига тўкиши оқибатида келиб чиққан.
Матбуот хизмати хабарига ўкра, автомобиль ва темир йўллари яқинидаги ғалла майдонлари ёқаларидаги қуриган хас-хашакларнинг ёниши ва ғалла экин майдонларига тарқалиши хавфини олдини олиш мақсадида шу кунга қадар ёнғин хавфсизлиги хизмати ходимлари томонидан 216 та корхона-ташкилот, 10 192 аҳоли турар жойлари, 49 та қабристон, 42 км автомобиль серқатнов йўл четлари, 10,7 км темир йўл четлари, 9 км юқори кучланишли электр ҳаво линиялари ва 439 та бошқа жойлардаги хас-хашаклар тозаланган.
Изоҳ (0)