Шеробод туманининг Кўҳитанг қишлоғида Жанубий Кореянинг НCГ Engineэрринг компанияси билан ҳамкорликда қурилаётган йирик цемент заводига илк тамал тоши қуйилди. Бу ҳақда «Дарё»га Сурхондарё вилояти ҳокимлиги ахборот хизмати маълум қилди.
Шу муносабат билан уюштирилган тадбирда Сурхондарё вилояти ҳокими Тўра Боболов ва НCГ Engineэрринг компанияси бош директори Жанг Ил Квеон иштирок этди.
Лойиҳа қиймати 170 миллион доллар бўлган завод ишга тушгач, йилига 1 миллион тонна сифатли портланд цемент ишлаб чиқарилади.
Корхона маҳсулотлари ички бозор талбаларини тўлдилдириш билан бирга хорижга ҳам экспорт қилинади. Корхонада 400 нафардан ортиқ маҳаллий аҳолининг бандлиги таъминланади.
Нафақат Сурхондарё вилояти, балки мамлакат иқтисодиётида алоҳида ўрин тутадиган ушбу йирик цемент заводи 2021 йилда фойдаланишга топширилиши белгиланган.
Эслатиб ўтамиз, олдинроқ Олмалиқ кон-металлургия комбинати туманда йилига 1,5 миллон тонна портланд цемент ишлаб чиқарадиган заводни ишга туширганди.
Изоҳ (0)