Серхио Рамос «Реал»дан кетиши мумкин, унга ҳатто Хитойдан ҳам харидор чиқди

Мадриднинг «Реал» клуби сардори Серхио Рамос мавсум оралиғида клубини ўзгартириши мумкин, дея хабар беради AS.

Таъкидланишича, сўнгги вақтларда ҳимоячининг клуб президенти Флорентино Перес билан муносабатлари ёмонлашган, бунга пулнинг алоқаси йўқлиги таъкидланган.

Рамосга «Ливерпуль» ҳамда «Манчестер Юнайтед» қизиқиш билдирмоқда. Футболчи 2015 йилда «қизил иблислар» сафига келиб қўшилиши мумкин эди.

Шунингдек, Рамос вакиллари Хитой клубидан яхшигина таклиф олган.

Қолган клубларга нисбатан «Ювентус» Рамоснинг хизматларига жиддий қизиқиш билдирган. Туринликлар аъзоси Криштиану Роналду жамоа президенти Андреа Анеллидан Рамос билан шартмона тузишга максимал даражада ҳаракат қилишини сўраган.

Маълумот учун, Серхио Рамос 2005 йилда «Реал»га «Севилья»га 27 миллион евро эвазига келиб қўшилганди. Унинг мадридликлар билан тузган шартномаси 2021 йилда тугайди. Ҳимоячининг шартномасидаги товон пули 800 миллион еврони ташкил этади. У «Реал»да йилига 12,5 миллион евро ишлаб топади.

Маълумот учун, Рамос жорий мавсум 42 та учрашувда майдонга тушиб, 11 та гол урди ва 2 та голли узатма берди.