«Ювентус» ҳужумчиси Криштиану Роналду ўз автотураргоҳини яна битта машина билан бойитди. Бу ҳақда A Bola хабар берди.
34 ёшли португалиялик ўзининг Instagram саҳифасига Туриндаги уйига McLaren Sennа русумли автомашина ҳайдаб келгани тасвирланган видеони жойлади ва ушбу видео тагига «Роҳатлан!» дея изоҳ қолдирди.
Суперкар 2018 йил Женева автосалонидаги кўргазмада намойиш этилганди. Ушбу автомобилга «Формула-1» пойгачиси бразилиялик Айртон Сеннанинг номи берилган.
McLaren Sennа 800 от кучига эга. Машинанинг баҳоси, тахминан, миллион евро атрофида.
Аввалроқ ҳужумчи 11 миллион евро эвазига Bugatti Voiture Noire автомашинасини сотиб олгани ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)