Жорий йилда абитуриентлар учун my.gov.uz портали орқали онлайн ҳужжат топшириш имконияти берилади. Яъни абитуриентлар уйидан чиқмасдан туриб, интернет орқали ОТМларга ҳужжат топшира олади. Ягона портал орқали ҳам учтагача йўналишни танлаш имконияти бўлади.
Соҳа мутахассисларининг айтишларича, ҳужжат топшириш учун электрон рақамли имзо (ERI) талаб этилмайди. Бу ҳақда ҳуқуқшунос Хушнуд Худойбердиев ўзининг Telegram’даги каналида маълум қилди.
«Шунчаки абитуриентлар паспорт серияси ва рақамини ҳамда шахсий идентификация рақамини (PIN FL) кирица кифоя, бошқа нарса керак эмас. Паспорт ва дипломларнинг сканери ҳам шарт бўлмайди, рақамларини кирица бўлди», — дейилади хабарда.
PIN FL қанақа рақамлиги ва уни қандай билиш мумкинлиги ҳақида қуйидаги ҳавола орқали танишиш мумкин.
Таъкидланишича, онлайн ҳужжат топширган абитуриент ЭКИҲ 10% миқдорида (20 минг сўм) хизмат ҳақи тўлайди. Бу хизмат ҳақи қайси йили битирганидан қатъи назар барча абитуриентлардан олиниши режалаштирилган. Лекин бу ҳали расман тасдиқланганича йўқ.
Хориждаги ўзбекистонлик абитуриентлар ҳам интернет орқали ўқишга ҳужжат топшириши мумкин, фақат имтиҳон кунига келишса кифоя.
Фақат қуйидаги абитуриентлар онлайн ҳужжат топшира олмайди:
— алоҳида имтиёзга эга бўлганлар (яъни турли мукофот соҳиблари, олимпиада ғолиблари ва ҳ.к.);— фуқаролик паспорти бўлмаган шахслар (масалан, 16 ёшга тўлмаганлар);— фуқаролиги бўлмаган шахслар.
Ушбу тоифадагилар давлат хизматлари марказига шахсан ўзлари боришлари шарт.
Онлайн ҳужжат топшириш тартиби билан мана бу ерда танишиш мумкин.
Изоҳ (0)