Тошкент шаҳар ИИББ ЙҲХБ Олга Непомняшая томонидан Facebook ижтимоий тармоғидаги «Жамоатчилик назорати» гуруҳига жойлаштирилган мурожаатни ўрганиб чиқди, деб хабар беради ИИББ матбуот хизмати.
«Биринчи марта ‘Бек барака’ бозорига бордим. Ўзимга керакли бекатда барча қатори тушиб қолдим. Ҳайрон қолганим, бу ерда бекат вазифасини икки йўл орасига ўрнатилган панжаралар бажараётган эди. ‘Йўловчиларимиз’ панжара орасидан ўтаётганида бошқа маршрутка ва автобуслар ҳам ўз йўловчиларини шу ерда қолдириб кетди. Бу доимий ҳолатми ёки мен бозорга экстремал етиб олишга гувоҳ бўлдимми?», — деб ёзади тармоқ фойдаланувчиси.
22 май куни ЙҲХБ ходимлари Уй-жой коммунал хўжалиги соҳаси ходимлари билан биргаликда йўл ҳаракат хавфсизлигини таъминлаш ва ЙТҲ содир бўлишининг олдини олиш мақсадида панжараларни мустаҳкамлаб, улар орасини одамлар ўта олмайдиган ҳолатга келтириб қўйди. Йўловчиларни тушириш ва чиқариш бўйича қоидаларни бузган ҳайдовчиларга нисбатан маъмурий чоралар кўрилди.
Изоҳ (0)