Ўзбекистонда энергия тежамкорлик мезонларига мувофиқ келмайдиган қурилиш материаллари ишлаб чиқарувчилар 2021 йил 1 январга қадар кўмирдан ва табиий газга муқобил бошқа ёқилғи турларидан фойдаланишга босқичма-босқич ўтказилади. Бу Президентнинг «Қурилиш материаллари саноатини жадал ривожлантиришга оид қўшимча чора-тадбирлар тўғрисида»ги қарорида кўзда тутилган.
Ҳужжат билан Вазирлар Маҳкамасига «Ўзсаноатқурилишматериаллари» уюшмаси билан биргаликда:
Давлат томонидан қўллаб-қувватлаш чораларини назарда тутган ҳолда цемент ишлаб чиқарувчилар, ғишт заводлари, сўндирилган оҳак ишлаб чиқарувчи цехларнинг энергия тежамкорлигини, шу жумладан, кўмирдан ва табиий газга муқобил бўлган бошқа ёқилғи турларидан фойдаланишга ўтказиш орқали босқичма-босқич ошириш бўйича комплекс чора-тадбирларни тасдиқлаш;
2019 йил 1 сентябрга қадар энергия тежамкорлик мезонларига мувофиқ келувчи асбоб-ускуналар ва технологияларни таснифловчи коэффициентлар, меъёрлар ва мезонлар ишлаб чиқилишини ва тасдиқланишини таъминлаш;
ҳар йили 1 ноябрга қадар корхоналарни хатловдан ўтказишни ва табиий газ сарфининг шартли меъёрлари энергия тежамкорлик мезонларига мувофиқ келувчи корхоналар рўйхатининг тасдиқланишини таъминлаш;
қурилиш материаллари ишлаб чиқарувчиларни кўмирдан ва табиий газга муқобил бўлган бошқа ёқилғи турларидан фойдаланишга ўтказишда атроф-муҳитга етказиладиган зарарни минималлаштириш бўйича экологик талабларга амал қилинишини таъминлаш;
тадбиркорлик субъектлари учун мамлакатда қазиб олинадиган кўмирнинг прогноз ҳажмлари ва сифат кўрсаткичлари тўғрисидаги йиллар ва ҳудудлар кесимидаги маълумотлардан эркин фойдаланиш имкониятини таъминлаш топширилди.
Изоҳ (0)