«Бошпочтампт» божхона пости ходимлари томонидан фуқаро У.Р. номига хориждан юборилган почта жўнатмаси белгиланган тартибда назоратдан ўтказилди. Бу ҳақда «Дарё»га Тошкент шаҳар божхона бошқармаси ахборот хизмати маълум қилди.
Назорат давомида декларацияда кўрсатилган CD 3 ва Books товарлари ўрнида полиэтилен пакетга ўралган, ўткир ҳидли марихуана гиёҳвандлик моддаси борлиги аниқланди.
Экспертиза хулосасига асосан, ашёвий далил сифатида олинган марихуана гиёҳвандлик моддасининг соф оғирлиги 414,76 граммни ташкил қилди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Изоҳ (0)