Ўзбекистонлик таниқли журналист Бахтиёр Мансуров ҳаётдан кўз юмди, деб хабар берди ЎзА.
Бахтиёр Мансуров 1946 йилда Тошкент шаҳрида туғилган. Ўзбекистон Миллий университетининг журналистика факультетини тугатган. Ўзбекистон журналистлари уюшмаси аъзоси. 1963 йилдан бери Ўзбекистон Миллий ахборот агентлигида турли лавозимларда самарали меҳнат қилган. У ўзининг самарали ижодий фаолияти даврида «Тўлин ой чиққан кеча», «Ҳаёт – бу синов», «Одамийлик ўлмасин», «Савоб умидида», «Оқибат» каби ўнлаб китоблар ёзган.
«Бугунги кунда унинг ўнлаб шогирдлари республикамизнинг турли оммавий ахборот воситалари ҳамда қатор идора ва муассасаларида самарали меҳнат қилмоқда», — дейилади хабарда.
Изоҳ (0)