Халқаро пресс клуб анжуманида Бош вазир қабулхоналарининг ишга тушиш муддатлари маълум қилинди. Бу ҳақда «Kun.uz» хабар бермоқда.
Вазирлар Маҳкамаси котибияти мудири Акмалхон Ортиқовга кўра, Бош вазирнинг тадбиркорлар мурожаатларини кўриб чиқиш бўйича қабулхоналари жорий йил 1 июнидан иш бошлайди. 15 июндан бошлаб тадбиркорлик фаолияти билан боғлиқ маълумотларни жамловчи электрон база фаолият юритади.
Адлия вазири Русланбек Давлетовнинг қайд этишича, бу қабулхоналарда мурожаатларнинг кўриб чиқиш муддати одатдагидан фарқ қилади. Жумладан, йўналтирилиши керак бўлган масала 2 кунда, мазмун жиҳатдан кўриб чиқиладиган мурожаатлар эса 7 кун ичида кўриб чиқилиши белгиланган.
Изоҳ (0)