Жорий йилнинг 18 май куни Ўзбекистон банклари Ассоциацияси томонидан мамлакатимиз Мустақиллигининг 28 йиллигига бағишлаб спортнинг шахмат тури бўйича ўтказилган XIV-банклараро спартакиадада «Микрокредитбанк» АТБ жамоаси фахрли 1-ўринни эгаллади.
Мазкур мусобақа швесарча тизимда ўтказилди. Унда барча тижорат банкларидан ташриф буюрган тўрт нафар ходимдан иборат сара жамоалар 7 та турда кескин ва муросасиз баҳс олиб бордилар. Ҳар бир иштирокчига ўйин охирига қадар 10+2 дақиқадан вақт берилди. Мусобақада электрон соатлардан фойдаланилди.
Маълумки, «ақл жанги» дея ном олган спортнинг мазкур турига мамлакатимизда йилдан йилга қизиқиш ортиб бормоқда. Бу борада «Микрокредитбанк» АТБ тизимида ҳам ходимлар ўртасида мунтазам равишда турли мусобақалар ташкил қилиб келинмоқда.
Айтиш мумкинки, бу каби тадбирларнинг ўтказилиши ҳамкасблар ўртасида спортга ҳамоҳанглик, ҳамкорлик руҳининг мустаҳкамланиши ва тизимда ижобий психологик муҳит ўрнатилишида муҳим омил бўлиб хизмат қилади.
Реклама ҳуқуқи асосида.
Изоҳ (0)