Жорий йилнинг 28 май куни Тошкент шаҳрида Меъмор//2019 интерьер дизайнерлари ва архитекторлар учун биринчи мустақил танловнинг якуний натижалари эълон қилинади. Халқаро ҳайъат раиси ва Москва архитекторлари уюшмаси вице-президенти Николай Лизлов ўзининг замонавий меъморчилик ҳақидаги мулоҳазалари, Ўзбекистон ҳақидаги хотиралари ва танлов лойиҳаларини баҳолаш тўғрисида сўз юритди.
Ўзбекистонда биринчи марта ўтказилаётган Меъмор//2019 интерьер дизайнерлари ва архитекторлар учун кенг кўламли танлов KNAUF компанияси томонидан «АДП» архитекторлар ва дизайнерлар уюшмаси билан ҳамкорликда, Ўзбекистон архитекторлар уюшмаси кўмагида ташкил этилди. Умумий мукофот фонди 119 миллион сўмни ташкил этган ушбу танловда иштирокчилар 7 та танлов тоифаларидаги ўринлар учун беллашадилар. Москва архитектура институти профессори ва Москва архитекторлари уюшмаси вице-президенти Николай Лизлов халқаро ҳайъат раиси сифатида иштирок этади.
Танлов баҳона Николай Лизлов Ўзбекистонга ҳаётида иккинчи бор ташриф буюради. Архитектор зилзиладан сўнг қайта тикланган шаҳарни кўриш учун Тошкент шаҳрига биринчи марта талабалик йилларида, 1978 йилда келиб кетганди.
Муваффақиятли архитектор портрети ҳақида
Муваффақият нималарни англатишига аниқлик киритиш лозим: бу кўп пул ишлаб топиш имкониятими ёки меъморчилик тарихида из қолдиришми? Булар — турли ва бир бирига доим ҳам ҳамроҳ бўлавермайдиган вазифалардир. Лойиҳа касбий обрўмга зарар етказиши эҳтимоли мавжуд бўлганда мен ишни ва пулни рад этишимга тўғри келган ҳолатлар ҳам бўлган. Бунда лойиҳа натижасида тарихий бино бузилган ёки хунук ҳолатга келиб қолган, шакллантирилган қимматли шаҳар муҳити ёки ландшафт бузилган ҳолатларни мисол тариқасида келтириш мумкин. Умуман айтганда, ҳар қандай касбдаги каби, севимли ва талаб этилган иш билан шуғулланиш асосий жиҳат ҳисобланади. Ҳар бир яхши архитектор ўзидан бошқа ҳеч кимга ўхшамайди.
Ўзбекистон ҳақида
Мен Ўзбекистонда бундан 41 йил аввал, талабалик йилларимда бўлганман. Мен у вақтда Қирғизистонда амалиётни ўтар эдим ва Бишкекдан Тошкент шаҳрига кичик сафар уюштиргандим. Унда даҳшатли зилзиладан сўнг 12 йил ўтган эди ва менда, яъни архитектура институти талабасида янги Тошкент — қайта тикланган ва тавсифи архитектура дарсликларида келтирилган Тошкент шаҳри катта қизиқиш уйғотди.
Ҳозирги замонда (бу яхшими ёки яхши эмасми — бунинг аҳамияти йўқ) фарқлар йўқолиб кетмоқда. Илгари биз миллий деб атаган хусусият бугунги кунда маҳаллий мансублик деб аталиб, тобора барҳам топмоқда ва эҳтиёткор муносабатни талаб этмоқда. Агар Ўзбекистонда ўзига хос миллий меъморчилик мавжуд бўлса, бу жуда яхши, албатта, чунки кун сайин турли мамлакатлар замонавий архитектурасини ажратиш мураккаб бўлиб бормоқда.
Буюртмачилар билан ҳамжиҳатлик ҳақида
Менинг асосий буюртмачим корпоратив буюртмачи, яъни девелоперлар бўлиб, улар билан услубга оид мунозаралар юзага келмайди. Қачонлардир улардан бири ўз нуқтайи назарини рўйирост ва юзаки тарзда баён этди.
У шундай деб айтди: «Биз меъморчилик билан шуғулланмаймиз — биз товар ишлаб чиқарамиз. Меъморчилик — фақатгина ушбу товарнинг истеъмолчилик хислатларидан бири холос ва агар у бошқа, бундан муҳимроқ кўрсаткичларга зид келса, биз ундан осонликча воз кечамиз».
Ўтган асрда, қурилиш бозори ривожлана бошлаган бир вақтда ўз таъбини ўтказишга ҳаракат қилувчи манман ва асов якка тартибда қурувчилар ҳали мавжуд эди, бироқ улар аллақачон бор-йўғидан ажраб, йўқолиб кетди. Бугунги кунда профессионал девелопер лойиҳага буюртма бераётиб, эстетик иштиёқларини қондиришга эмас, балки фойда олишга интилади. У архитектордан муайян участкада бор кучини ишга солишини, бозорда маҳсулот ликвидлигини ва талаби катта бўлишини, тежамкорликни талаб этади.
Меъмор//2019 мустақил кўрик-танловда иштирок этиш ҳақида
Мен Меъмор//2019 танлови ҳайъатига таклиф этилганимда бир дақиқа ҳам иккиланмадим. Ҳайъат таркибида иштирок этиш амалиётчи архитектор учун таълим бериш каби фойдали бўлади. Бу — касбий фаолиятнинг бир қисми бўлиб, янада ўсиш ва янги тажрибага эга бўлиш имконини беради. Шунингдек, лойиҳа устида ишлаш вақтининг учдан икки қисми таҳлилдан иборат бўлади, ҳайъат таркибида ишлаш эса — 100 фоиз таҳлил этиш демакдир. Бундан яхши ақлий машғулот бўлмаса керак.
Меъмор//2019 танлов ишларини баҳолаш ҳақида
Мен лойиҳаларни баҳолаш учун дастлабки мезонларни белгиламайман. Бир нарсани айтишим мумкин: улар яхши бўлиши керак ва бу - баҳоланадиган, холисона хислатдир. Яхши деганда, улар кутилмаган, оригинал, ўзига хос, мавжуд лойиҳалардан кўчирилмаган ва тақлид қилинмаган бўлиши керак.
Замонавий архитектура қандай бўлиши керак?
Сифатли бўлиши лозим. Ҳар бир шаҳар бошқасидан фарқ қилади ва бунда гап аҳоли сони ва зичлиги ҳақида кетаётгани йўқ. Шаҳар шаҳарликларга тегишли. Агар унда яшовчи инсонларга қулайлик яратиб берилса, бошқалар ҳам шунга интилади. Бу худди шод, фаровон ҳаёт кечирувчи инсонлар яшовчи бахтли хонадонларга меҳмонга бориш каби ёқимлидир.
Архитекторлар ва интерьер дизайнерларининг Меъмор//2019 очиқ кўрик-танловида иштирок этиш учун талабномани 2019 йил 20 майга қадар юборишингиз мумкин.
Реклама ҳуқуқи асосида.
Изоҳ (0)