2019 йил 7 май куни Triodos Investment Management субординар қарз шартномаси доирасида «Ipak Yo‘li» акциядорлик инновацион тижорат банкига 3 млн евро миқдорида маблағ ажратди.
Мамлакатнинг иқтисодиёти жадал ривожланаётган даврида хўжалик юритувчи субъектларнинг истиқболли лойиҳаларни молиялаштиришга бўлган талаб сезиларли даражада ошмоқда.
Шу муносабат билан ушбу узоқ муддатли субординар кредит «Ipak Yo‘li» банкининг капитал базасини ошириш ҳисобига кредитлаш операцияларини кенгайтиришга имкон беради. Пул маблағлари кичик бизнесни молиялаштириш, Ўзбекистонда хусусий секторни ривожлантиришга ва қўллаб-қувватлашга йўналтирилади.
«Ipak Yo‘li» нинг жаҳоннинг етакчи молия институтлари билан муваффақиятли ҳамкорлигининг узоқ тарихи турли молиявий манбаларига ва инструментларига кенг йўл очиб келади.
«Triodos» билан тузилган шартнома сўнгги ярим йил давомида хорижий молия институтларидан жалб қилинган иккинчи субординар қарзи бўлиб, бу халқаро молиявий жамоатчиликнинг Ўзбекистонга, хусусан, «Ipak Yo‘li» банкига катта қизиқиш ва ишонч борлигини кўрсатмоқда.
Triodos Investment Management дунёнинг етакчи хусусий инвестиция компанияларидан бири ҳисобланади ва хусусий секторни қўллаб-қувватлаш орқали ижтимоий тенгсизликка ва атроф-муҳитга салбий таъсирини камайтиришга йўналтирилган лойиҳаларни молиялаштиради.
Халқаро молия соҳасида 25 йиллик тажрибасига эга бўлиб, бугунги кунда ушбу компания 4 миллиард евродан ортиқ маблағни бошқаради.
Реклама ҳуқуқи асосида.
Изоҳ (0)