Дунёда биринчи марта Германияда ҳайдовчисиз учар такси намойиш қилинди (фото ва видео)

Германиянинг Лилиум стартап компанияси беш ўриндиқли учар таксини намойиш қилди. Бу ҳақда Sputnik хабар берди.

Компанияда таъкидланишича, бу дунёда биринчи тадқиқот. Лилиум вакилининг сўзларига кўра, яқинда қурилма синовдан ўтказилди: ўзи мустақил ҳавога кўтарилди, ҳавода туриб, ерга қўнди.

Учар таксини 36 дона электр мотор ҳаракатга келтиради. Бу вертикал тарзда кўтарилиш ва қўниш имконини беради. Қурилма соатига 300 километрни босиб ўтиши мумкин.

Бир нечта компаниялар бунга ўхшаш қурилмаларни синовдан ўтказишганди, бироқ улардан ҳеч бири бортига иккитадан ортиқ одамни олиш имкониятига эга бўлмаганди.

«Биз ҳар доим ўриндиқлар сонини бештага етказишга ҳаракат қилгандик – бу янада кўпроқ сайёҳлар учун осмонни очиб беради», — дейди Лилиум асосчилардан бири Дениел Виганд.

Энди қурилма яна бир неча синов парвозларини ўтказиши керак бўлади. Лилиум компанияси 2020 йил ўрталарида бу моделларни оммавий ишлаб чиқаришни йўлга қўйишга умид қилади.

Учар таксилар Airbus, Uber ва бошқа стартап компаниялар томонидан синовдан ўтказилмоқда.

Ушбу транспорт воситаси тарафдорларининг сўзларига кўра, учар таксилар шаҳар аҳолиси ҳаракатчанлигини ошириб, атроф-муҳитнинг ифлосланишини камайтиради.

Introducing the Lilium Jet. The world’s first all-electric, jet-powered five-seater air taxi.

See the full film here: https://t.co/jy4BdyPNqV

Far away has #NeverBeenCloser pic.twitter.com/YDNjYU4FRO

— Lilium (@Lilium) May 16, 2019