The New York Times журналида Facebook ҳамасосчиси Крис Хьюзнинг АҚШ ҳукуматини ижтимоий тармоқ ва унинг раҳбари Марк Цукерберг ҳокимиятини чеклашга чақирган колонкаси чоп этилди, деб хабар беради Meduza.
Хюз Facebook’ни бўлиб, унга тегишли Instagram ва WhatsApp’ни мустақил компанияларга айлантиришни, шунингдек, АҚШда технология бозорини назорат қиладиган ҳукумат органини ташкил этишни таклиф қилди. Хьюзнинг фикрича, у биринчи навбатда фойдаланувчиларнинг шахсий маълумотини тўлиқ сир сақлаши керак.
«Маркнинг таъсир доираси АҚШ ҳукумати ёки хусусий сектордаги ҳар қандай одамникидан катта. Бу ақлга сиғмайди», — деб ёзади Хьюз. Унинг таъкидлашича, Цукерберг «яхши, меҳрибон инсон, лекин унинг Facebook’ни оммалаштириш мақсади хавфсизлик ва маданиятни йўққа чиқарган».
Изоҳ (0)