Киев Россия билан чегарада ядровий заряд ўрнатиши керак. Бу фикр Украинадаги Евро-Атлантика ҳамкорлик институти мутахассиси Игорь Козий томонидан Obozrevatel TV эфирида айтиб ўтилди.
Унинг сўзларига кўра, ядро-минали тўсиқлар «Россия тажовузини тўхтатиш ва унинг кенг кўламли босқинчилик ҳаракатини олдини олиш» учун самарали восита ҳисобланади. У Совуқ уруш даврида Германия ҳам шундай усулдан фойдаланганини таъкидлаган.
Игорь Козий, шунингдек, Украина тактик ядро қуролларини ҳам, уларни етказиб бериш воситаларини ҳам ривожлантиришга қодир эканини қўшимча қилган. Бироқ, унинг айтишича, бундай ишларни Исроилнинг ядро дастури каби бутунлай махфийлик шароитида амалга ошириш керак — Тель-Авив мамлакатда атом қуроли борлигини ҳеч қачон тасқидламаган, инкор ҳам этмаган.
Козийнинг фикрича, Украинада ядро полигони йўқлиги ва бомба ишлаб чиқаришнинг серхаражатлиги ушбу режани амалга оширишдаги муаммоли жиҳат ҳисобланади.
Маълумот учун, 1994 йилнинг 5 декабрида Венгрия пойтахтида Украина, АҚШ, Россия ва Буюк Британия раҳбарлари томонидан Будапешт меморандуми имзоланган бўлиб, ушбу ҳужжат Киевни амалда ядровий қуролдан маҳрум қилган.
Изоҳ (0)