АҚШ Венесуэладаги сиёсий инқироз сабаб у ерга ҳарбий-тиббий кемани юбориш ниятида. Бу ҳақда Америка ҳукуматига таяниб, Reuters хабар берди.
АҚШ вице-президенти Майк Пенснинг маълум қилишича, Comfort кемаси мамлакатда тиббий ёрдамга муҳтож барчага кўмак бериш учун юборилади.
«Президент Дональд Трампнинг топшириғига кўра, июнь ойида АҚШ Ҳарбий-денгиз кучлари Кариб денгизи, Марказий ва Жанубий Америка ҳудудларига йўналтирилади», — дейди сиёсатчи.
Пенснинг қайд этишича, кема венесуэлалик қочоқларга тиббий ёрдам кўрсатиш билан шуғулланади.
2018 йилда АҚШ Жанубий Америкага тиббий кемани юборган эди. Ўшанда кема Гондурас, Эквадор, Перу ва Колумбияда тўхтаб, аҳолига ёрдам кўрсатган.
Изоҳ (0)