Россиянинг Новочебоксарск шаҳридаги болалар боғчаларидан бирига ишга қабул қилинган ўзбекистонлик кекса меҳнат муҳожири суд муҳокамасига сабаб бўлди. Бу ҳақда «Nuz.uz» хабар бермоқда.
Шаҳардаги «Сказка» номли 10-болалар боғчаси мудираси 2018 йил ноябрь ойида ўзбекистонлик 63 ёшли меҳнат муҳожирини қоровул сифатида ишга олади. Россия қонунчилигига кўра, у бу ҳақда 3 кун ичида Миграция хизматига маълум қилиши лозим эди. Бироқ аёл бундай қилмаган, кейинчалик эса шундай талаб борлигини билмаганини айтган.
Маъмурий кодекс бузилгани сабабли боғча раҳбариятига қарши иш очилди. Суд қарори билан боғча фаолияти 14 кунга тўхтатилди ва бино эшиги муҳрлаб кетилди.
Изоҳ (0)