7 май куни Тошкентда Humo Arena муз саройида Хотира ва қадрлаш куни муносабати билан катта концерт бўлиб ўтди. Бу ҳақда муз саройи ахборот хизмати хабар берди.
Кечки концерт дастурида жаҳонга машҳур фигурачилар, россиялик машҳур эстрада юлдузлари ва миллий эстрада юлдузлари иштирок этди.
Муз устида олимпия чемпионларининг кўриниши, Европа ва жаҳон фигурали учиш чемпионлари: Дробязко ва Повилас Ванагас, Мария Петрова ва Алексей Тихонов, Елена Йованович ва Нодари Маисурадзе, Алексей Ягудин, Аделина Сотникова, шунингдек, Татьяна Навка ва Роман Костомаровларнинг чиқишлари гулдурос қарсаклар билан кутиб олинди. Шунингдек, россиялик таниқли эстрада хонандаси Олег Газманов ҳамда Италиянинг афсонавий «Риcчи Э Повери» эстрада гуруҳининг чиқишлари томошабинларга кўтаринкилик бағишлади. Миллий эстрада юлдузлари Озодбек Назарбеков, Юлдуз Усмонова, Севара Назархонлар ҳам ўзларининг байрамга атаб тайёрлаб келган жонли ижролари билан томошабинларни хурсанд қилди.
Изоҳ (0)