Дунёнинг 65 мамлакатларида эфирга узатиладиган «Эртуғрул: Тирилиш» фильми кузда янги концепция билан эфирга қайтади, деб хабар берди «Haberturk.com».
Фильмда Усмон Ғозий даври бошланади, ушбу образни таниқли турк актёри Бурак Ўзчивит ижро этади. Актёр аллақачон тарихий образга тайёргарлик кўришни бошлаган: у ҳафтасига 6 кун, беш соат давомида махсус мураббийлар билан шуғулланмоқда.
Бурак отга эркин сакрашни, жанговар қуроллар, қиличлар билан жанг қилишни ўрганади. Кичкина полигонда машғулот вақтида актёрнинг кутилмаган жароҳати учун фавқулодда ёрдам хизмати ҳам ишламоқда.
Ривада «Усмон Ғозий» фильмини суратга олиш учун янги катта плато барпо этилмоқда, барча саҳна ва актёрларнинг костюмлари янгиланди.