Шри-Ланка полицияси бошлиғи 21 апрелда содир этилган терактрга алоқадор барча шахслар ва гумонланувчилар қўлга олингани ёки йўқ қилинганини маълум қилди, деб хабар берди Reuters.
21 апрель куни Шри-Ланкадаги саккизта черков ва меҳмонхоналарда «Пасха» байрамини нишонлаш вақтида портлаш содир бўлганди. Оқибатда 250 киши ҳалок бўлган, 480 дан ортиқ одам жароҳат олган. Полиция 40 нафар гумонланувчини қўлга олган эди. Шри-Ланкадаги теракт бўйича масъулиятни ИШИД ўз зиммасига олган. Шри-Ланка ҳукумати ушбу терактларни Янги Зеландиядаги масжидга амалга оширилган ҳужум учун қасос деб баҳоламоқда.
23 апрель куни Шри-Ланка президенти Майтрипала Сирисена мамлакатдаги хавфсизликка жавоб берадиган барча идора раҳбарларини ишдан бўшатишни маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)