Хоразмда уруш фахрийлари байрам билан қутланди
Президентнинг жорий йил 23 апрель кунидаги «Иккинчи жаҳон уруши қатнашчиларини рағбатлантириш тўғрисида» ги Фармони ҳамда «Хотира ва қадрлаш кунига тайёргарлик кўриш ва уни ўтказиш чора-тадбирлари тўғрисида»ги қарорига мувофиқ, Хоразм вилояти Фавқулодда вазиятлар бошқармаси ва вилоят Ёнғин хавфсизлиги бошқармаси ходимлари томонидан Иккинчи жаҳон уруши қатнашчилари, меҳнат фронти фаҳрийлари, хизмат вазифасини бажариш чоғида ҳалок бўлган ҳарбий хизматчиларнинг хонадонларига ташриф буюрилди. Бу ҳақда «Дарё»га Хоразм вилояти фавқулодда вазиятлар бошқармаси ходими Ш.Д.Самандаров хабар берди.
Тадбир давомида Иккинчи жаҳон уруши қатнашчилари Урганч шаҳрида истиқомат қилаётган Қурбонов Собир ота, Қаландаров Жаббор ота ҳамда Худайберегнов Аллаберган оталар хонадонларида бўлиб байрам билан қутланди ва уларнинг дуолари олинди.
Шунингдек, хизмат вазифасини бажариш чоғида ҳалок бўлган ҳарбий хизматчилар Хива тумани ЁХБ 4-ХЁХК диспетчери лавозимида хизмат қилган сафдор Машарипов Камолиддин Вафоевич, Урганч шаҳар ЁХБ 2-ХЁХК ёнғин ўчирувчиси лавозимида хизмат қилган сафдор Ёқубов Дилшод Илёсович, Хоразм вилояти Фавқулодда вазиятлар бошқармаси Қутқарув отряди Қидирув-қутқарув гуруҳи сардори лавозимида хизмат қилиган Раҳимов Мақсуд Эгамберганович, Сувда қутқарув гуруҳи сардори лавозимида хизмат қилган Собиров Баҳром Юсупович хонадонларида бўлиб, уларнинг оила аъзолари ҳолидан хабар олиниб, байрам билан қутланди, моддий ва маънавий қўллаб-қувватланиб, уларга ғамхўрлик кўрсатиш ишлари олиб борилди.
