2 май, пайшанба куни футбол бўйича Европа Лигасининг 1/2 финали доирасида дастлабки учрашувлар ўз ниҳоясига етди.
Унаи Эмери бошқарувидаги Лондоннинг «Арсенал» клуби «Эмирейтс» стадионида Испаниянинг «Валенсия» жамоасини қабул қилди.
Ўйин давомида «кўршапалаклар» аъзоси Муктар Диакабининг урган голига «тўпчилар» ҳужумчилар Александр Ляказеттнинг дубли (18, 25-дақиқалар) ва Пьер-Эмерик Обамеянгнинг голи билан жавоб қайтарди. Натижада Лондон клуби ўз уйида «Валенсия»ни 3:1 ҳисобида мағлубиятга учратди.
Шу куни Маурицио Сарри бошлиқ Лондоннинг бошқа бир клуби «Челси» Германиянинг «Айнтрахт Франкфурт» майдонига сафар қилди.
Учрашувнинг 23-дақиқасида майдон эгалари ҳужумчиси Лука Йович ҳисобни очган бўлса, 45-дақиқага келиб «аристократлар» ҳужумчиси Педро Родригес ҳисобни тенглаштирди (1:1).
Шу тариқа лондонликлар меҳмонда кечган баҳсда «Айнтрахт Франкфурт» билан дуранг ўйнади.
Эслатиб ўтамиз, ярим финал жавоб ўйинлари 10 май куни бўлиб ўтади.
Европа Лигаси
1/2 финал баҳслари
2 май, пайшанба
«Арсенал»—«Валенсия» 3:1
Голлар: 0:1 — 11 Диакаби, 1:1 — 18 Ляказетт, 2:1 — 25 Ляказетт, 3:1 — 90 Пьер-Эмерик Обамеянг
«Арсенал»: Чех, Папастатопулос, Колашинац, Мустафи, Коселни (Монреаль, 82), Мейтленд-Найлз, Гундузи (Торрейра, 58), Ўзил (Мхитарян, 75), Жака, Обамеянг, Ляказетт«Валенсия»: Нето, Ронкаля, Гарай, Габриел, Диакаби, Гедеш (Гамейро, 71), Солер (Васс, 71), Пиччини, Парехо, Гайя, Родриго (Санти, 88)
Огоҳлантиришлар: Диакаби (31), Парехо (70)
«Айнтрахт Ф»—«Челси» 1:1
Голлар: 1:0 — 23 Йович, 1:1 — 45 Педро
«Айнтрахт Ф»: Трапп, Ҳинтереггер, Фалетт, да Кошта, Абраам, Фернандес (Пасиенсия, 73), Ҳасебе, Гачинович (Виллемс, 90+2), Роде, Костич, Йович«Челси»: Аррисабалага, Давид Луиз, Эмерсон, Аспиликуэта, Кристенсен, Лофтус-Чик (Ковачич, 83), Жоржиньо, Педро, Канте, Виллиан (Азар, 61), Жиру
Огоҳлантиришлар: Кристенсен (19), Ҳасебе (58), Фернандес (61)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)