Ҳиндистоннинг шарқий қисмида жойлашган Одиша штатига Фани циклони ёпирилди. «Корреспондент.net»нинг хабар беришича, шиддатли шамол тезлиги соатига 200 километрга етган.
Одиша штати маъмурияти 1 миллиондан ортиқ одамни эвакуяция қилиб, уларни вақтинчалик яшаш лагерларига жойлаштирмоқда.
Ҳиндистон Темир йўл вазирлиги Одиша ҳудудидан ўтувчи 220 дан ортиқ поезд қатнови бекор қилинганини билдирди. Бундан ташқари, Ҳиндистон Фуқаро авиацияси бошқармаси Бхубанешвар шаҳридаги аэропорт ёпилганлиги эълон қилган, шунингдек, Калкуттадаги аэропорт ҳам ёпилиши айтилган.
Фани циклони Бенгал кўрфази тарафдан ёпирилган. Прогнозларга кўра, кучли ёмғир ва шамол бўлиши кутилмоқда.
Аввалроқ Мозамбикда Идай тропик циклони содир бўлгани, оқибатда 700 киши қурбон бўлгани ҳақида хабар берилган эди.
Изоҳ (0)