Қозоғистон президентлигига «Халқ демографияси» жамоат бирлашмасининг номзоди, таниқли жамоат арбоби Жуматой Алиев давлат тили бўйича тестда қўпол хатоларга йўл қўйиб, қозоқ тилини яхши билмаслигини кўрсатди, деб хабар беради Tenginews.
«Биринчи топшириқ — «Давлат ва дин» бўйича иншо, иккинчиси — Мухтоз Авезовнинг «Абай йўли» романидан парча ўқиш. Учинчи топшириқ эса — эркин мавзуда ҳисобот. Жуматой Алиев ёзма ишни 1,5 соат давомида бажарди. Комиссия ушбу номзод қозоқ тилини билмайди деган хулосага келди. У томонидан ёзма ишда жуда қўпол хатоларга йўл қўйилган – умумий ҳисобда имловий ва стилистик 19 та хато», — деб изоҳ берди марказий сайлов комиссиясининг лингвистик комиссияси аъзоси Одил Ахметов.
Жуматой Алиев давлат тилини яхши билмаслиги сабабли президент курсиси учун курашдан чиққани айтилмоқда.
Қозоғистон президенти сайловлари 9 июнь куни бўлиб ўтади.
Изоҳ (0)