Uzbekistan Airways авиакомпанияси 1 май куни «Тошкент—Жакарта—Тошкент» йўналишида илк рейсни амалга оширди. Бу ҳақда Туризмни ривожлантириш давлат қўмитаси матбуот хизмати хабар берди.
Ҳафтанинг чоршанба ва жума кунлари амалга ошириладиган мазкур қатнов Транспорт вазирлиги, Туризмни ривожлантириш давлат қўмитаси ва Uzbekistan Airways миллий авиакомпанияси ҳамкорлигида йўлга қўйилди.
Тошкендан илк парвоз билан келган йўловчилар Жакартанинг «Сукарно-Хатта» халқаро аэропортида тантанали равишда кутиб олинган.
Шунингдек, 2 май куни Жакарта шаҳрида икки мамлакат расмий доира вакиллари, жумладан Ўзбекистон Туризмни ривожлантириш давлат қўмитаси, Транспорт вазирлиги, икки мамлакат туристик компаниялари, маҳаллий ва хорижий оммавий ахборот воситалари вакиллари иштирокида туризм форуми ташкил этилди.
Аввалроқ Uzbekistan Airways Жакартага доимий рейсларни йўлга қўйиши ҳақида хабар берилган эди.
Изоҳ (0)