2019 йилнинг 20 апрель куни Самарқанд тумани «Андижони» маҳалласида яшовчи 1969 йилда туғилган фуқаро М.М.ни «Шўрбои» маҳалласи ҳудудида жойлашган «Аъзам бобо» тўйхонаси машина уриб юборган.
М.М.га ўнг болдир суяклари ўрта учлигидан ёпиқ парчаланиб синиб силжиши чап қош соҳаси урилиб йиртилган жароҳати ташхиси қўйилган. М.М. руҳий носоғломлиги муомалага лаёқатсизлиги сабабли қаерда ва қандай ҳолатда тан жароҳати олганлигини аниқлашнинг имкони бўлмаган. Кузатув камералари орқали 50 ёшли эркакни M-39 автомобиль йўлининг Тошкент–Термиз йўналишида номаълум давлат рақам белгили Damas машинаси уриб юборганлиги аниқланган.
Самарқанд вилоят ИИБ Йўл ҳаракат хавфсизлиги бошқармасининг «Дарё»га маълум қилишича, Самарқанд тумани ИИБ Жиноят қидирув бўлими ҳамда ЙҲХБ ходимлари билан ҳамкорликда амалга оширилган чора-тадбирлар натижасида ушбу йўл-транспорт ҳодисасини Сурхондарё вилояти Ангор тумани «Ҳамкон» маҳалласида яшовчи, 1981 йилда туғилган Р.Н. ўзининг бошқарувидаги Damas автомашинасида содир қилганлиги аниқланган.
Ҳолат юзасидан Самарқанд тумани ИИБ ҳузуридаги Тергов бўлими томонидан ҳайдовчи устидан Жиноят Кодексининг 266-моддаси 1-қисми (Транспорт воситасини бошқарувчи шахс томонидан транспорт воситалари ҳаракати ёки улардан фойдаланиш хавфсизлиги қоидаларини бузиш баданга ўртача оғир ёки оғир шикаст етказилишига сабаб бўлиши) билан жиноят иши қўзғатилган.
Изоҳ (0)