Навоий вилояти Фавқулодда вазиятлар бошқармаси ташаббуси билан Навбаҳор туманининг «Сармишсой» дарасида вилоят ФВБ, ФВБ ЁХБ, ССБ ва ИИБ мутахассисларидан иборат палатка шароитидаги назорат-кузатув пости фаолиятини амалга ошириб келмоқда, деб хабар берди вилоят ФВБ матбуот хизмати.
Жорий йил 28 апрель якшанба куни дам олиш мақсадида вилоятнинг турли ҳудудларидан фуқаролар ташриф буюрди. Навбатчилик постига бирин-кетин дам олувчилар томонидан мурожаатлар кела бошлади.
Жумладан, Бухоро вилоятидан оилавий дам олишга келган 78 ёшли Аҳмедов Маҳмуд бобо тоғда сайр қилиб юриб, адашиб қолганлиги тўғрисидаги мурожаат асосида, назорат-кузатув пости ходимлари томонидан отахон топилиб, оиласи бағрига соғ-саломат қайтарилди.
2013 йилда туғилган Жавоҳирга ўз вақтида тиббий ёрдам кўрсатилди. У тоғ тепасига чиққан ва эҳтиётсизлиги оқибатида йиқилиб тушиб, тан жароҳати олган.
Тоғда ҳаракатланиш қоидалари кўникмасига эга бўлмаган олти нафар турли ёшдаги дам олувчилар баланд тоғ қоясидан хавфсиз пастга олиб туширилди.
Изоҳ (0)