27 апрель куни Тошкент шаҳар ҳокимлигида якка тартибдаги уй-жойлар сифатида расмийлаштирилган кўп хонадонли уй-жойлар қурилиши бўйича учрашув бўлиб ўтди. Пойтахт ҳокими Жаҳонгир Ортиқхўжаев уй қурувчилар томонидан солиқ қонунчилиги бузилганлигини таъкидлади, деб хабар беради Солиқ қўмитаси ахборот хизмати.
Шаҳар маъмурияти вакилларининг маълум қилишича, тадбиркорлар, олди-сотди шартномаларида уй-жой нархини арзон кўрсатган, фирмани расмийлаштирмай, касса аппаратисиз ишлаган, юзлаб кишиларни ноқонуний тарзда ишлатган. Улар шунингдек, солиқдан бўйин товлаганликда айбланган.
Давлат солиқ органлари ушбу вазиятни ўрганмоқда. Ўрганиши натижалари жамоатчиликка эълон қилинади.
Изоҳ (0)