Алимент ундириш ҳақидаги ижро ҳужжати даврий ундирув ҳисобланганлиги сабабли алимент тўловчиларнинг Ўзбекистондан четга чиқиш ҳуқуқлари вақтинча бекор қилинади. Бу ҳақда «Дарё»га МИБ матбуот хизмати хабар берди.
Ўз навбатида чекловни бекор қилиш «Суд ҳужжатлари ва бошқа органлар ҳужжатларини ижро этиш тўғрисида»ги қонуннинг 421-моддасига асосан амалга оширилади.
Агар вояга етмаган болалар таъминоти учун алиментлар олдиндан тўланган ёки алимент тўлаш мажбуриятини таъминлаш учун гаров шартномаси тузилган бўлса, шахс алимент тўлаш тўғрисида келишув тузиш мажбуриятидан озод этилади. Ва четга чиқиш ҳуқуқлари тикланади.
Мажбурий ижро бюроси Сариосиё туман бўлими иш юритувида бўлган фуқаролик ишлари бўйича Сариосиё туманлараро судининг 2017 йил 12 декабрдаги буйруғига асосан М.Мирзаевдан ундирувчи Н.Мелибоева фойдасига вояга етмаган бир нафар фарзандининг моддий таъминоти учун барча ишлаб топган даромадларининг ¼ қисми миқдорида алимент ундириш ҳақидаги ижро ҳужжати бўлим юритувига келиб тушган. М.Мирзаев собиқ турмуш ўртоғи билан ўзаро келишиб фарзандининг 18 ёшгача бўлган таъминот пуллари яъни 2019 йил 1 апрелдан 2035 йил 7 майга қадар бўлган алимент пулларини, яъни 76 миллион 443 минг сўмни тўлиқ тўлаганлиги сабабли Мажбурий ижро бюроси томонидан унинг Ўзбекистондан четга чиқиш ҳуқуқлари тиклаб берилди.
Изоҳ (0)