Перу аппелляция суди коррупцияга оид жиноят ишини тергов қилиш доирасида мамлакат собиқ президенти Педро Пабло Кучинскини уй қамоғига ҳукм қилди. Бу ҳақда «Коммерсантъ» хабар берди.
Олий суднинг сиёсатчини қамоққа олиш ҳақидаги қарори бекор қилинган.
Суд Кучинскининг соғлиғи ёмонлашгани сабабли уни озод қилинишини сўраган адвокатларнинг илтимосномасини қаноатлантирган. Маълум бўлишича, Кучински аввалроқ касалхонага ётқизилган бўлиб, юрак операцияси ўтказилиши кутилмоқда.
Қайд этилишича, жазо муддати ўзгаришсиз қолдирилган — 36 ой.
Педро Пабло Кучински 2018 йилнинг 21 мартида, конгрессда унинг импичментига овоз берилишидан бир кун аввал истеъфога чиққан. У давлат активларини ўғирлашда ва жиноий ташкилотга алоқадорликда гумон қилинмоқда.
Изоҳ (0)