Туркманистон президенти Гурбангули Бердимуҳамедов 2019 йилнинг биринчи кунида туғилган «Ривож» лақабли ахалтака тойчоғи ҳақида рэп қўшиқ ижро этди. Бу ҳақда «РИА Новости» хабар берди.
Туркманистон раҳбари ўзи ёзган қўшиқ билан халқаро от спорти мажмуасида туркман оти миллий байрами шарафига ўтказилган от чоптиришда чиқиш қилган.
Қўшиқда тойчоқ бутун мамлакат учун фаровонлик даракчиси ва илҳом манбаи экани ҳақида куйланган.
2018 йилнинг июлида таътилга чиққан Бердимуҳаммедов невараси Каримгули билан бирга ўзини илк марта реп-ижрочиликда синаб кўрган эди. Ўшанда у ўз қўшиғини «Амул-Хазар» халқаро автораллисига бағишлаган эди.
Изоҳ (0)