Тошкентда Иккинчи жаҳон урушида матонат кўрсатган ҳамюртларга эҳтиром рамзи сифатида «Шараф лентаси»ни улашиш акцияси ўтказилди. Бу ҳақда «Дарё»га Ёшлар медиа маркази маълум қилди.
Дастлабки лента тарқатиш маросими Ўзбекистон ёшлар иттифоқи Марказий кенгаши биноси ёнида ўтказилди. Маросимнинг очилишида ёшлар иттифоқи раҳбарияти, таниқли фан, таълим ва маданият намоёндалари, кенг жамоатчилик вакиллари иштирок этди.
Миллий гвардия оркестри жўрлигида янграган мусиқа садолари остида иттифоқ фаоллари ҳамда кўнгиллилар миллий байроғимиз рамзи туширилган «Шараф лентаси»ни аҳоли вакилларига улашди. Мазкур акция бутун мамлакат бўйлаб ўтказилади.
«Шараф лентаси»ни аҳоли вакилларига улашиш пойтахтнинг Сайилгоҳ кўчаси, Халқлар Дўстлиги майдонида ҳамда «Ёшлик» талабалар шаҳарчасида ўтказилди ҳам ўтказилди.
Акция давомида иштирокчилар «Шараф лентаси» акс этган фотосуратларини #SharafLentasi, #RibbonHonor, #LentaSlavi ҳештеглари остида ижтимоий тармоқларда жойлаб борди.
Изоҳ (0)