Ўзбекистон Республикаси Фанлар академияси Ботаника институти ва Хитой Фанлар академияси Кунминг институти ҳамкорликда жорий йилнинг 30 апрель куни Тошкент Ботаника боғи ҳудудида Global Allium Garden Tashkent Center Cентер 2019 йил мавсумининг очилиши бўлиб ўтиши режалаштирилмоқда. Тадбирга Ўзбекистондаги соҳа мутахассислари билан биргаликда Хитойнинг Кунминг институти профессорлари Сун Ханг ва Тао Денгларнинг келиши кутилмоқда. Бу ҳақда Ўзбекистон Республикаси ФА Ботаника институти директори Комилжон Тожибоев «Дарё»га маълум қилди.
Ташаббускори Хитой ҳисобланган «Бир камар – бир йўл» лойиҳаси асосида ташкил этилаётган ушбу Тошкент маркази Global Allium Garden дастури бўйича дунёда иккинчи ўринда туради. Халқаро ёввойи пиёзлар боғи Тошкент марказида Ўзбекистон ва ёндош минтақалардан ташқари Эрон, Ўртаер денгизи ҳудудларидан йиғилган ёввойи пиёзларнинг 100 дан ортиқ тури тўпланган.
Ноёб ёввойи пиёз турлари ўсиш ва келиб чиқиш кўрсаткичига кўра Ўзбекистон дунёдаги саноқли давлатлардан бири ҳисоблади. Ҳозирда мамлакатда мана шундай ноёб ёввойи пиёз турларининг 137 тури ўсади, уларнинг 14 тури Ўзбекистон Қизил китобига киритилган. Очилиши режалаштирилган марказ мана шундай ёввойи пиёз турларини илмий асосда тадқиқ этишни ўз олдига мақсад қилиб қўйган.
Изоҳ (0)