Россиялик актриса Элина Бистрицкая 91 ёшида вафот этди, деб хабар берди «ТАСС».
Қайд этилишича, сўнгги вақтларда у оғир бетоб бўлган. Актриса билан видолашув 29 апрель куни Малий театрида бўлиб ўтиши кутилмоқда.
Элина Бистрицкая кинодаги илк ролини 1950 йилда «Тинч кунларда» («В мирние дни») фильмида ижро этган. Актриса 1950 йилларнинг иккинчи ярмида Герасимовнинг «Тинч Дон» («Тихий Дон») ва Юрий Егоровнинг «Кўнгиллилар» («Добровольци») фильмларидаги ролларидан сўнг машҳуриликка эришган.
Бистрицкая 1958 йилдан буён Малий театрида ишлаб келган.
Изоҳ (0)