Қозоғистон фильми 41-Москва халқаро кинофестивалида бош совринга эга бўлди

«Россия» театрида 41-Москва халқаро кинофестивали ғолибларини тақдирлаш маросими бўлиб ўтди, деб хабар берди «Вести.ru».

Маросим 25 апрель куни ўтказилган бўлиб, Қозоғистоннинг «Шахсий ўсиш сирлари тренинги» («Тренинг личностного роста») фильми бош совринга эга бўлди. Банк ходимининг ҳаётий инқирози ҳақида ҳикоя қилувчи ушбу фильм ижодкорларига «Олтин авлиё Георгий» мукофотини топшириш ҳақидаги қарор жанубий кореялик режиссёр Ким Ки Дук бошчилигидаги ҳакамлар ҳайъати томонидан қабул қилинган.

Энг яхши аёл роли учун соврин «Иккинчи босқичдаги ҳаётим» («Моя жизнь на втором курсе») фильмидаги эронлик актриса Соха Ниастига берилган. Унинг мукофотини фильм режиссёри Расул Садрамели қабул қилиб олган.

Режиссёр мукофот учун фестиваль ташкилотчиларига миннатдорчилик билдирган ҳолда Соха Ниасти фильмда илк бор суратга тушгани ва бу фильм ўзига тегишли эканидан хурсандлигини айтган.

Энг яхши эркак роли номинациясида эса «Бўм-бўшлик» («Пустота») фильмида рол ижро этилган фин актёри Томми Корпела ғолиб деб топилган. Мукофотни фильм режиссёри Алекси Салменперя қабул қилиб олган.