Тошкентда UZ доменининг 24 йиллигига бағишланган халқаро техник конференция бошланди. 28 апрелга қадар давом этадиган анжуман UZINFOCOM маркази, АҚШнинг ICANN ташкилоти ва Австралиянинг auDA компанияси кўмагида Осиё—Тинч океани юқори даражали доменлар уюшмаси (APTLD) томонидан ташкил этилди.
Конференцияда БААнинг AEServer, Ирландиянинг Afilias, Чехиянинг Gransy S.R.O., Мисрнинг телекоммуникация соҳаси назорат органлари, Афғонистон Ахборот технологиялари ва коммуникациялар вазирлиги вакиллари иштирок этмоқда.
Анжуман давомида DNSSEC масалалари, миллий доменларда самарали маркетинг бўйича машғулот ва маҳорат дарслари ўтказилиши режалаштирилган.
Маълумот учун, Жанубий Каролина Информатика институти 1995 йили .UZ доменини яратиш бўйича талабномани маъқуллаган. Миллий .UZ зонасида 2019 йил 25 апрель ҳолатига кўра салкам 67 мингта фаол домен номи рўйхатга олинган.
Изоҳ (0)