25 апрель, пайшанба куни Таиланднинг Бангкок шаҳрида бокс бўйича Осиё чемпионати ярим финали доирасида ўзбекистонлик сўнгги боксчининг (эркаклар) жанги ҳам ниҳоясига етди.
+91 кг вазн тоифасида Ўзбекистон шарафини ҳимоя қилаётган Баҳодир Жалолов ярим финал жангида суриялик Муҳаммад Мулаесга қарши рингга чиқди. Баҳодир жангда катта устунликка эга бўлиб, очколар ҳисобига рақибини мағлуб этиб, финал йўлланмасини ўзиники қилди.
Шу тариқа Осиё чемпионати финалига чиққан ўзбекистонлик боксчилар сони 5 нафарга етди.
Аввалроқ эркаклар ўртасида Нодиржон Мирзааҳмедов, Миразиз Мирзаҳалилов, Санжар Турсунов ҳамда Бобоусмон Ботуров ярим финал жангларида рақибларини мағлуб этиб, финалга чиққан эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)