Ўзбекистон Президенти Шавкат Мирзиёев Владимир Зеленскийни Украина президентлиги сайловида ишончли ғалаба қозонгани билан табриклади, деб хабар берди Ташқи ишлар вазирлиги матбуот хизмати.
Шавкат Мирзиёев Владимир Зеленскийга мустаҳкам соғлик, ҳотиржамлик ва иш фаолиятида муваффақиятлар, қардош украин халқига эса тинчлик ва фаровонлик тилади.
«Аминманки, анъанавий дўстлик тамойилларига асосланган ўзбек-украин муносабатлари ҳамда ўзаро манфаатли ҳамкорлик мамлакатларимиз ва халқларимиз ривожи йўлида мунтазам ривожланади ва мустаҳкамланади», — дейилади Ўзбекистон Президентининг табрик хатида.
Изоҳ (0)