Ўзбекистонда 9 май арафасида Георгий лентаси ўрнига, миллий байроқ акс этган ленталар тарқатилади

Бош вазир Абдулла Арипов раислигида видеоселектор бўлиб ўтди, дея хабар бермоқда «Олтин воҳа» Telegram-канали.

Унда бошқа масалалар билан бир қаторда Хотира ва қадрлаш кунини муносиб кутиб олиш масаласи ҳам кўриб чиқилди.

Бош вазир Георгий лентаси оммалашиб бораётганини танқид қилди. Худди шунга ўхшаш акцияни ўзимизда кенг оммалаштириш кераклигини айтди.

Facebook’да Ўзбекистон байроғи акс этган челленж уюштириш, бунда Шаҳзода, Райҳон каби санъаткорларни жалб этиш топшириғи берилди. Фақат эстрада вакиллари эмас, спортчилар, сўз усталари, зиёлилар ҳам бу акцияга қўшилиши кераклиги айтилди. Умуман, пропоганда машинасини тўла ишлатиш топшириғи берилди.

Бош вазир топшириғига кўра,  миллий байроқ акс этган ленталардан 100 минг нусхадан зиёд чоп этилади, тарқатилади.

«Бу тадбир расмий тадбир эмас, меҳр билан, виждонан халқни бирлаштирадиган акция бўлиши керак», – деди Бош вазир Абдулла Арипов.