Япония Ташқи ишлар вазирлиги мамлакатнинг ташқи сиёсатига бағишланган йиллик ҳисоботини тақдим этди, дея хабар беради «Коммерсант.ru».
Унда «тўрт шимолий орол (Курил тизмаси) Японияга тегишли» деган жумлалар йўқ. Шу билан бирга, ҳисоботда Москва билан музокараларни давом эттиришга чорлов бор — Токио баҳсли ҳудудлар бўйича ҳали ҳам келишувга эришмоқчи.
Ҳисобот эълон қилинганидан сўнг Япония ташқи ишлар вазири Таро Коно баҳсли ҳудудлар бўйича «япон ҳукуматининг ҳуқуқий позицияси ўзгаргани йўқ»лигини маълум қилди.
Итуруп, Кунашир, Шикотан ороллари ва Хабомаи архипелаги Иккинчи Жаҳон урушининг охирида СССР таркибига қўшиб олинган, бироқ Токио ҳозирга қадар ушбу ҳудудлар юзасидан даъво қилиб келади.
1956 йилги Совет—Япония қўшма декларациясида СССР тинчлик шартномаси имзоланган тақдирда Шикотан ва Хабомаи оролларини Японияга топширишга тайёрлигини билдирган. Бироқ томонлар ҳали ҳам тинчлик шартномасини имзоламаган.
Россиянинг Жамоатчилик фикрини ўрганиш маркази ходимлари февраль ойида ўтказган ижтимоий сўров натижаларига кўра, Курил оролларининг деярли барча аҳолиси ҳудуднинг Японияга берилишига қарши.
Изоҳ (0)