Ўтган дам олиш кунлари Тошкентда кучли довул бўлиб ўтди, деб ёзади Sputnik.
Ёмғир ёғиб кўчаларни сув босди, дарахтлар қулаб машиналарни босиб қолди.
Тошкентда оқава сувлар тизимида кузатилётган муаммолар туфайли, ҳар сафар ёмғир ёққанда, баъзи кўчаларни сув босиб қолмоқда. Ижтимоий тармоқларда ушбу воқеалар акс этган сурат ва видеолар тарқалди.
Эслатиб ўтамиз, Ўзбекистонда сўнгги ҳафта давомида ёмғирли ҳаво кузатилди. Март ойи охирларида ҳам кучли ёмғир ва момақаолдироқ бўлиб, Жиззах ва Самарқандда сув тошқини содир бўлганди. Қашқадарёда эса кучли ёмғир натижасида катта автомобиль йўли ўпирилиб тушган.
Будан аввал икки кун давом этган ёғингарчилик оқибатида Самарқанд вилоятининг Қўшработ туманида сел келгани ҳақида хабар берган эдик.
Изоҳ (0)