Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Алишер Навоий номидаги Ўзбекистон Миллий кутубхонаси вазирлик ва идоралар билан ҳамкорликда 2019 йилнинг 24—26 апрелида «Central Асиа – 2019: Фан, таълим, маданият ва бизнесда интернет ва ахборот кутубхона ресурслари» XIII Халқаро конференцияси Хоразм вилоятининг Урганч шаҳрида ўтказилади. Бу ҳақда «Дарё» мухбири хабар берди.
Конференциянинг мақсади – фан, таълим, маданият ва бизнес соҳаларида электрон ахборот ресурсларни ривожлантириш ва қўллашда ахборот-кутубхона муассасалари, ўқув юртлари, архивлар, музейлар ва бошқа ташкилотлар фаолиятининг ҳамжиҳатликда кўп йиллар самарали ҳамкорликда фаолиятларини кенгайтиришдан, кутубхоналар ишининг муаммолари, уларнинг инновацион ривожланиш йўлларини излашдан иборат.
Ўзбекистон Миллий кутубхонаси ахборот-кутубхона фаолияти бўйича ҳар йили анъанавий «INFOLIB» Миллий ахборот-кутубхона ҳафталиги ҳамда «Central Асиа: Фан, таълим, маданият ва бизнесда интернет ва ахборот-кутубхона ресурслари» мавзусида, «Илмий маълумотлардан фойдаланиш ва нашр эттириш фаоллиги» Миллий илмий-таълимий форуми ўтказиб келинади.
Ушбу йирик тадбирларда республикадаги ахборот-кутубхона муассасаларининг бугунги кундаги ҳолати, соҳага оид қабул қилинган норматив-ҳуқуқий ҳужжатларнинг ижроси, тажрибалари, муаммолари таҳлил қилиниб, истиқболдаги режалари белгилаб олинади ва ҳамкорликда ишлаш жараёни давом эттириб борилмоқда.
Конференцияда Туркия, Россия, АҚШ, Покистон, Тожикистон, Қозоғистон, Германия, Латвия, Белоруссия, Туркманистон, Жанубий Кореядан соҳа мутахассислари иштирок этади. Конференция дастури доирасида китобхонлик масалалари, кутубхоначиликни олдида турган истиқболдаги вазифалар ҳамда соҳада ўз ечимини кутаётган масалаларга бағишланган илмий шўъбалар, амалий семинарлар, маҳорат дарслари ташкил этилиши режалаштирилган.
Бу йилги конференция ўтган йилдагисидан китоб ва китобхонлик масалаларига, соҳадаги муаммоларга алоҳида эътибор қаратилиши, Миллий умумтаълим электрон кутубхонаси УзНЕЛ дастурининг ишлаш жараёни бўйича маҳорат дарслари МДҲ ва хорижий давлатлар Миллий кутубхоналар билан ҳамкорлик алоқаларининг янада мустаҳкамланиши, қолаверса мутахассисларининг мамлакат кутубхоначилик соҳасига қизиқиши билдирилаётганлиги билан аҳамиятлидир.
Изоҳ (0)