20 апрель, шанба куни футбол бўйича Италия чемпионатининг 33-тури доирасида 8 та учрашув якунланди.
Турнинг илк ўйинида Женнаро Гаттузо бошлиқ «Милан» жамоаси меҳмонда «Парма» билан ўйнади.
Беллашувнинг 69-дақиқасида «россонерилар» аъзоси Саму Кастильехо ҳисобни очган бўлса, 87-дақиқага келиб «Парма» ҳимоячиси Бруну Алвеш ҳисобни тенглаштирди (1:1).
Шу тариқа миланликлар меҳмонда кечган баҳсда «Парма» билан дуранг ўйнади ва жамоалар бир очкодан бўлишиб олди.
Шу куни мусобақа жадвалида яққол пешқадамлик қилаётган Туриннинг «Ювентус» клуби ўз майонида «Фиорентина» билан жанг қилди.
Ўйиннинг 6-дақиқасидаёқ меҳмон жамоа ҳимоячиси Никола Миленкович ҳисобни очди (1:0). 37-дақиқага келиб эса «кекса синёра» аъзоси Алекс Сандро ҳисобни тенглаштирди (1:1). 53-дақиқада «Фиорентина» ўйинчиси Жерман Пецелла автогол муаллифига айланди (2:1). Натижада туринликлар ўз майдонида «Фиорентина»ни кичик ҳисобда мағлубиятга учратди (2:1).
Қайд этиш жоиз, Ювентус» ғалаба қозониб, кетма-кет 8 бор, умумий ҳисобда эса 35 марта Италия чемпионига айланди.
А Серия
33-тур баҳслари
20 апрель, шанба
«Парма»—«Милан» 1:1
Голлар: 0:1 — 69 Кастильехо, 1:1 — 87 Алвеш«Болонья»—«Сампдория» 3:0
Голлар: 1:0 — 54, автогол, Тонелли, 2:0 — 69 Пулгар, 3:0 — 83 Орсолини«Удинезе»—«Сассуоло» 1:1
Голлар: 0:1 — 31 Сенси, 1:1 — 80 Лирола«Лацио»—«Кьево» 1:2
Голлар: 0:1 — 49 Винято, 0:2 — 51 Ҳетемай, 1:2 — 67 Кайседо«Женоа»—«Торино» 0:1
Гол: 0:1 — 58 Ансалди«Эмполи»—СПАЛ 2:4
Голлар: 1:0 — 22 Капуто, 1:1 — 38, пенальти, Петаня, 1:2 — 44 Флоккари, 2:2 — 47 Траоре, 2:3 — 61 Петаня, 2:4 — 88 Антенуччи«Кальяри»—«Фрозиноне» 1:0
Гол: 1:0 — 27, пенальти, Педро«Ювентус»—«Фиорентина» 2:1
Голлар: 0:1 — 6 Миленкович, 1:1 — 37 Сандро, 2:1 — 53, автогол, ПецеллаЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)