Huawei компанияси Хитойнинг Шэньчжэнь шаҳрида ҳар йили ташкил этиладиган галдаги «Глобал таҳлил» саммитини ўтказди. Жорий йилда мазкур саммит «Тўлиқ уланган интеллектуал дунёни яратиш» мавзусига бағишланди. Саммит иштирокчилари янги технологияларни узлуксиз ишлаб чиқиш ва татбиқ этиш орқали тўлиқ интеллектуал дунёни яратишга оид масалаларни муҳокама қилишди. Айнан мана шу мақсадда компания «Инновациялар 2.0» концепциясини таклиф этди ва стратегик тадқиқотлар институтининг ташкил қилинишини маълум қилди. Huawei келгуси 5 йил давомида илғор технологияларга доир тадқиқотларга жиддий эътибор қаратади.
Кен Ху (Кен Ҳу), Huawei компанияси раисининг ўринбосари, 16-Глобал таҳлил саммитида кириш нутқини сўзламоқда.
Huawei компаниясининг раиси Кен Ху (Кен Ҳу) соҳавий трендларга алоқадор компаниянинг таҳлилий маълумотлари ва унинг стратегик режалари билан бўлишди. «Intelлектуал дунё кўз ўнгимизда. Биз унга ниҳоятда яқинмиз. Ахборот-коммуникация технологиялари (АКТ) сектори ҳозирда тараққиёт учун мисли кўрилмаган имкониятларга эга», - деди Кен Ху. Шунингдек, компания раисининг таъкидлашича, 5G технологиялари кутилганидан кўра анча тезроқ жорий қилинмоқда, ва энг қизиғи, айни даврда 5G-қурилмаларнинг эволюцияси 5G-тармоқ эволюцияси билан бир маромда қадам ташламоқда. Huawei прогнозларига кўра, 2025 йилга бориб жаҳонда 5G фойдаланувчилари сони 2,8 млрд. кишига етади. Компания кўп сонли уланишларни қўллаб-қувватлайдиган содда, кучли ва интеллектуал тармоқларни яратиш мақсадида олға интилмоқда.
Барча соҳаларда сунъий интеллектдан фойдаланиш корхоналарда булутли ҳисоблаш технологияларининг татбиқ этилишини тезлаштиради. Кен Хунинг сўзларига қараганда, компания булутли технологиялар бозоридаги рақобатга сунъий интеллект асосидаги имкониятлар рақобати сифатида ёндашмоқда. «Бизнинг сунъий интеллект соҳасига киритган стратегик инвестицияларимиз булутли технологияларни жорий қилиш пойгасида олдинга чиқиб олишимизга ёрдам беради», – дея қайд этади Huawei раисининг ўринборсари. Шу билан бирга, у Huawei янги технологияларни ишлаб чиқиш ва жорий қилишда давом этишини, нафақат ҳозирги давр учун, балки келажак учун ҳам сармоя ажратишини ишонч билан таъкидлади. Huawei фақат тижорий муваффақият қозонишга интилмасдан, балки соҳани ривожлантирадиган компаниялар ва ижтимоий тараққиётнинг олдинги қаторида ҳаракат қилади. Компаниянинг асосий мақсади ҳар бир инсон, уй ва ташкилот учун тўлиқ интеллектуал дунёнинг устунликларини кашф этишдан иборат.
Бошқарув директори ва Huawei стратегик тадқиқотлар институтининг президенти Уильям Сюй (William Xu) компания ўзи учун Инновациялар 2.0 даврини очишини эълон қилди.
Инновациялар 2.0 – бу умумий тараққиёт концепцияси базасида назарий ютуқ ва ихтиролардир. «Стратегик тадқиқотлар институти келгуси беш йил мобайнида асосан илғор технологиялар соҳасидаги ишланмалар билан шуғулланади. Фундаментал фанлар, технологиялар ва технологик инновациялар соҳасидаги тадқиқотларни молиялаштириш учун биз ҳар йили 300 млн. АҚШ доллари миқдорида сармоя ажратамиз. Бу биз олиб бораётган тадқиқотларнинг муҳим қисмидир», – дейди жаноб Сюй. Яна унинг қайд этишича, Huawei назарий изланишлар ва фундаментал технологиялар йўналишидаги инновацияларга туртки бериш учун университетлар ва тадқиқот институтлари билан ҳамкорликда ишлайди, бу орқали мазкур соҳага ва умуман бутун дунёга янги йўл очади.
Huawei қуйидаги бешта йўналиш бўйича соҳада етакчи бўлишга интилади: техник архитектурани қайта кўриб чиқиш, маҳсулот архитектурасини қайта кашф этиш, соҳа тараққиётининг олдида ишлаш, соҳа учун янги йўналиш очиш ва янги соҳани ривожлантириш.
«Тармоқлар орасидаги ўзаро таъсир, ҳисоблаш технолигиялар ва булутли ҳисоблашлар интеллектуал дунёнинг фундаментал инфратузилмасига айланади, ҳамда сунъий интеллект ушбу янги дунёни ҳаракатга келтиради, – дейди Дэвид Ван (David Wang), Huawei бошқарувининг ижрочи директори, инвестициялар бўйича кузатув кенгаши раиси ҳамда АКТ-стратегия ва маркетинг бўйича президенти. – Келажакка назар солиб шуни айтишим мумкинки, жаҳондаги энг яхши тармоқ алоқаси билан таъминлаш учун биз Мур қонунини қайта кўриб чиқамиз ва Шеннон нуқтасини курашга чақирамиз, шу билан бирга, ҳисоблаш ресурслари янада кенг тарқалиши учун ҳисоблаш архитектурасини қайта кўриб чиқамиз. Биз соҳанинг рақамли трансформациясига мўлжалланган аъло гибрид булутни яратамиз ва сунъий интеллект технологиялари ҳар ерда татбиқ этилиши учун барча сенарийларга мос комплекс тартибли СИ-ечимлардан фойдаланамиз».
Янги технологияларни ишлаб чиқиш ва жорий қилиш ҳар доим Huawei компаниясининг бош мақсади ва унинг узлуксиз ривожланишини белгилайдиган муҳим омиллардан бири бўлиб келган. Мазкур йўналишда Huawei доимо ўз мижозларининг талабларига эътибор қаратган: сўнгги ўттиз йил мобайнида у жаҳондаги АКТ-ечимлар ва «ақлли» қурилмалар таъминотчисига айланган ҳолда, буюртмачилар ва ҳамкорлар билан биргаликда барча соҳалар ва умуман жамият учун тижорий потенциални кучайтирмоқда.
Интеллектуал дунё кўз ўнгимизда ва ҳозирда АКТ-соҳаси юксалиш учун мисли кўрилмаган имкониятларга эгадир. Huawei жорий лойиҳаларга инвестиция ажратиш, тармоқдаги ўзаро алоқа, ҳисоблаш технологиялари ва булутли ҳисоблашлар соҳасидаги янги технологияларни яратиш ва татбиқ этишда, умумий қилиб айтганда, келажакка сармоя киритишда давом этади.
Биринчи Huawei таҳлил саммити 2004 йилда ташкил қилинган, шундан бери 16 йил мобайнида ҳар йили ўтказилиб келинмоқда. Кўплаб параллел сессияларга эга бўлган жорий йилдаги саммит 16-18 апрель кунлари бўлиб ўтмоқда. Унда 680 нафардан зиёд соҳавий ва молиявий таҳлилчилар, ғоя етакчилари ва ОАВ вакиллари иштирок этмоқда. Қатнашчилар бир қатор мавзулар ва трендлар борасида ўзига хос маълумотлар билан ўртоқлашиш имкониятига эга бўлдилар. Батафсил маълумот учун қуйидаги ҳаволага ўтинг:
Реклама ҳуқуқи асосида.
Изоҳ (0)