Кейинги йилларда юртдошларимиз фаровонлигини янада ошириш, айниқса, кам таъминланган оилалар турмуш тарзи яхшиланишига кўмаклашиш мақсадида – тижорат банклари томонидан кам фоизли кредитлар ажратилиб, бу орқали оилавий тадбиркорликни йўлга қўйишларига кўмаклашилаётгани ҳеч кимга сир эмас.
Муҳтарам Президентимиз Шавкат Мирзиёев томонидан ёшлар таълим-тарбияси учун қўшимча шароитлар яратиш, хотин-қизлар бандлигини оширишга қаратилган комплекс чора-тадбирларни ўз ичига олган бешта ташаббус эса бу борадаги хайрли ишлар кўламини янада кенгайтириб юборди.
Давлат раҳбарининг ана шу бешта ташаббусини қўллаб-қувватлаш доирасида куни кеча Тошкент вилоятининг Бўка туманида кенг миқёсдаги тадбирлар ўтказилди.
Мазкур тадбирларда «Микрокредитбанк» акциядорлик тижорат банки ҳам фаол қатнашиб, ҳудуддаги аҳоли талабларига кўра, имтиёзли шартлар асосида микрокредитлар ажратди.
Ушбу кредит маблағлари ҳисобидан тумандаги 20 та кам таъминланган оилаларга 200 бошдан зиёд қуён ва уларни сақлаш учун қуён қафаслари, ҳатто озуқасигача етказиб берилди.
Чиндан ҳам, эзгулик ва савоб – тўкис бўлмоғи керак.Ушбу ташаббус республикамизнинг бошқа туманларида ҳам давом этади.
Изоҳ (0)