Huawei компаниясининг Ўзбекистондаги инновацион ва интеграцион ечимлар марказида алоқа операторлари ва мамлакатдаги регулятор вакиллари учун конгресс ўтказилмоқда. Huawei компанияси Ўзбекистондаги операторларга рақамли трансформацияни амалга ошириш, АКТ инфратузилмасини яхшилаш, ҳар бир инсон, уй ва ташкилот учун рақамли хизматларни кўрсатиш мақсадида мамлакатдаги тармоқ қопламини жадал равишда кенгайтириш йўлида мавжуд бўлган тўсиқларни бартараф этишга, шунингдек, давлат бошқаруви тизимларини такомиллаштиришга ёрдам берадиган 5G, сунъий интеллект (AI), булут технологиялари (Cloud), интернет буюмлар (IOT) йўналишидаги илғор ечимларни тақдим қилмоқда.
Конгресс давомида алоқа операторлари ҳамда телекоммуникация инфратузилмасининг янада ривожланишига бевосита алоқадор бўлган давлат органларининг вакиллари жорий йилнинг февраль ойида GSMA‘с Mobile World Congress 2019 - бутунжаҳон мобил технологиялар конгрессида Huawei томонидан тақдим қилинган инновацион ечимлар ва технологиялар билан яқиндан танишишлари мумкин.
Тадбир доирасида 5G технологиясига оид, шу жумладан, амалда мавжуд тармоқларни бешинчи авлод поғонасигача етказишга замин яратадиган комплекс ечимлар йиғилганларга таништирилди, шу билан бирга, мазкур тармоқларнинг имкониятлари ва устунликлари намойиш этилди. Симсиз 5G тармоқлар осон йўлга қўйилиши ва паст кечикиш билан юқори тезликдаги алоқани таъминлаш хусусиятига эга бўлгани туфайли интеллектуал саноатда шу тарзда улар симли тармоқларнинг ўрнини босиши мумкин. Бундан ташқари, тармоқларга хизмат кўрсатиш харажатлари, жумладан энергия истеъмоли сарфини ҳам сезиларли даражада камайтирса бўлади. Кейинги авлоддаги симсиз тармоқлар шаҳар инфратузилмасини бошқарадиган кучли платформага айланади, таълим, тиббий хизматлар, хавфсизликни таъминлаш ва индустриал ишлаб чиқариш жараёнини бошқариш соҳаларини такомиллаштиради. Транспорт саноатида 5G тармоқдан фойдаланган ҳолда йўл-транспорт ва бахтсиз ҳодисала
«Huawei компанияси ривожланган 5G экотизимини яратиш ва ўз мижозларининг юксалишини қўллаб-қувватлаш учун мазкур технология базасида амалга оширилган муваффақиятли лойиҳалар ҳақида ахборотларни улашишга интилади. Биз тўлиқ хизмат кўрсатиладиган, тармоқ ва амалларни бошқариш имкониятига эга содда, шу билан бирга, йўлга қўйилиши осон 5G тармоқларни таклиф қиламиз», - деди Ўзбекистондаги Huawei компаниясининг директор ўринбосари Жастин Чжу.
5G тармоқларнинг ривожланиш суръати биз тасаввур қилгандан ҳам жадалроқдир. Дунёдаги барча алоқа операторлари янги авлоддаги тармоқ стандартини тижорий мақсадда йўлга қўйиш устида ҳар қачонгидан-да тезроқ иш олиб бормоқдалар. Маҳсулотлар, терминаллар, хавфсизлик стандартлари ва бизнесга йўналтирилган ечимлар бешинчи авлод технологияларини татбиқ этишга тайёр. Бугунги кунда Huawei компанияси 5G тармоқ бўйича 30 дан ортиқ шартнома имзолаб, 25 000 тадан зиёд 5G станцияларини мижозларга етказиб берди.Таъкидлаш лозимки, ўтган йили Huawei компанияси Beeline Uzbekistan билан ҳамкорликда MobiCon 2018 конференцияси давомида мамлакатимизда биринчи маротаба мобил алоқанинг омма олдидаги синовини амалга оширган эди.
Реклама ҳуқуқи асосида.
Изоҳ (0)