«Қизим Назокатхон қўли гул чевар. У тиккан болалар либослари, айниқса, байрамларга мўлжалланган кийимларга талаб кўп. Болажонлар учун айиқполвон, қуёнча, тулкиой ёки шолғомни эслатувчи қувноқ либосларга буюртма бериш учун қўшни туманлардан ҳам излаб келишади. Кейинги вақтларда буюртмалар кўплигидан бир ўзи улгурмаётган эди. «Агробанк»дан берилган 11 миллион сўмдан зиёд маблағ ишимиз ривожида қўл келмоқда. Уч йилга берилган бу кредит эвазига биз учта тикув машинаси харид қилиб, янги иш ўрни очдик».
Бу Наманган вилояти Чуст туманида яшовчи Насиба Эркабоеванинг дил сўзлари эди.Жорий йилнинг 28 февраль – 1 март кунлари Ўзбекистон Республикаси Президенти Шавкат Мирзиёевнинг Наманган вилоятига ташрифидан сўнг вилоятда «Ҳар бир оила – тадбиркор» ҳаракати кенг қулоч ёймоқда.
Ҳар бир ҳудуд хусусияти ва имкониятидан келиб чиқиб, янги корхоналар ташкил этиш, иш ўринлари яратиш, бунёдкорликнинг барча йўналишларини юксалтиришга оид топшириқлар ижросини таъминлаш, хусусан, Чуст туманида оилалар манфаатдорлигини оширишда «Агробанк» ҳам ўз ҳиссасини қўшмоқда.
Жорий йилнинг 1 апрель кунига қадар «Агробанк» АТБнинг Чуст филиали томонидан 477 нафар оилага 8,1 миллиард сўм кредитлар ажратилди. «Ҳар бир оила – тадбиркор» давлат дастури доирасида берилган ушбу маблағлар кўпгина оилалар манфаатдорлигини ошириш билан бир вақтда соҳалар юксалишга ҳам хизмат қилмоқда.
Оилаларга тақдим этилаётган кредит маблағлари аниқ мақсадларга йўналтирилмоқда. Яъни, хонадонларда тикувчилик, тўқувчилик ишларини йўлга қўйиш, иссиқхоналар барпо этиш, чорва моллари боқиш, паррандачилик, балиқчилик, қуёнчилик, асаларичилик билан шуғулланиш ва бошқа қатор йўналишларда тадбиркорлик билан шуғулланиш учун тақдим этилмоқда. Мисол учун, 27 миллион сўм кредит олган Меҳринисо Мираҳимова туяқушчиликни ривожлантириш мақсадида туяқуш жўжаларини харид қилди. Ҳабибулла Ободов олинган 12 миллион 220 минг сўм эвазига наслли қорамол харид қилди.
– Кичик майдонда қурилган қўлбола иссиқхонада маҳсулот етиштирардик, – дейди Чуст тумани Карнон қишлоғида яшовчи Абдулла Мадалиев.
– Замонавий иссиқхона қуришга маблағимиз етмасди. Яқинда банк ажратган қарийб 15 миллион сўм эвазига замонавий иссиқхона қурдик.
Ҳисоб-китобимизга кўра, уларнинг ҳар бири ўртача 5 килограмм ҳосил берса, яхшигина даромад кўрамиз. Майнинг бошида бодринг, октябрда эса кўкатлар етиштириш ниятидамиз. Шу тариқа бир йилда уч марта ҳосил олса бўлади.
«Ҳар бир оила – тадбиркор» дастури каттаю кичикни бирдек ҳаракатга келтириб қўйди. Ким билан суҳбатлашманг, тадбиркорлик билан шуғулланиб нафақат оиласига, балки жамият ривожига ҳисса қўшиш ниятида эканини айтади. Айниқса, ушбу дастур аҳоли зич яшайдиган Наманган вилоятида муҳим масала – бандлик муаммосини ҳал этиш билан бирга, аҳоли хонадонларининг даромадини оширишда кенг имкониятлар яратмоқда.
«Агробанк» АТБ матбуот хизмати
Сайт: www.agrobank.uz
Telegram: т.ме/АгробанкChannel
Instagram: instagram.com/agrobank_uz
Facebook: fb.com/agrobankuzbekistan
Реклама ҳуқуқи асосида.
Изоҳ (0)