Департаментнинг Миробод туман бўлими ҳамда туман ИИБ ходимлари ҳамкорлигида банк томонидан берилган хабарга асосан терговга қадар текширув ўтказилди. Бу ҳақда Бош прокуратура матбуот хизмати маълум қилди.
Текширув давомида фуқаро А.З. томонидан «Асака банк» Юнусобод филиалига миллий валютага айрибошлаш учун тақдим этилган 58 дона 500 евро купюралик, жами 29 минг евро қалбаки эканлиги аниқланган.
Мазкур ҳолат юзасидан А.З.га нисбатан Жиноят кодексининг 176-моддаси 3-қисми «а» банди билан жиноят иши қўзғатилиб, тергов ҳаракатлари ўтказилмоқда.
Изоҳ (0)